وش معنى مود بورد؟ وعلى إيش يحتوي بالضبط؟
كثير يسمعون كلمة مود بورد وما يعرفون وش فكرته أو ليه يعتبر خطوة مهمة قبل نبدأ تصميم أي غرفة أو شقة بالكامل.
بكل بساطة …
المود بورد هو لوحة أفكار توضح لك إحساس المكان ، ستايله ، ألوانه، وكل القطع اللي بنستخدمها في التصميم .
يعني يعطيك صورة واضحة عن شكل الفراغ النهائي بشكل مبسط وسهل الفهم… بدون تعقيد .
وهو أول خطوة تخليك تتأكد إنه ماشي على ذوقك وشي يناسب استخدامك .
المود بورد على إيش يحتوي؟
المود بورد مو مجرد ألوان وصور …
هو لوحة تصميم كاملة تشمل:
- قطع الأثاث الأساسية
الكنب، الطاولات، السرير، التسريحة، الخزائن… كل قطعة بنستخدمها في التصميم تكون موجودة على اللوحة.
- ألوان الفراغ
لوحة الألوان الأساسية + الألوان الثانوية اللي راح تربط الفراغ وتعطيه روح متناسقة.
- الأرضيات والمواد (Materials)
نوع الأرضية ، الوان الجدارن والتكسيات ، الستايل العام… بحيث تعرف الإحساس الحقيقي للمكان قبل التنفيذ.
- نوع الإضاءة
نوع الإضاءة، شكلها، طريقة توزيعها، سواء كانت إضاءة جانبية، ثريا ، أو إضاءة معلّقة.
- الإكسسوارات واللمسات النهائية
خداديات، لوحات، قطع ديكور، مزهريات… التفاصيل اللي تعطي المكان حياة ولمسة شخصية.
- السجاد
السجاد المقترح شكله، ألوانه، ونمطه—لأنه من أهم العناصر اللي تربط التصميم.
أهم ميزة؟
المود بورد اللي نجهّزه يكون نفس اللي يطلع لك بعدين في الثري دي والتنفيذ.
يعني ما فيه فرق أو مفاجآت… كل شيء واضح من البداية.
تشوف القطع، تشوف الألوان، تشوف الجو العام للغرفة… وبعدها تنتقل للمرحلة الثانية وانت مرتاح وفاهم الشكل النهائي 100%.
ليش المود بورد مهم لك؟
• يقلل الأخطاء .
• يخليك تشوف وتختار ذوقك وأنت متطمن .
• يمنع التضارب بين قطع الاثاث والألوان .
• يعطيك نظرة واضحة .
• يوفر وقت وجهد ويخلي المشروع أسرع.
باختصار:
المود بورد هو الخطوة اللي تضمن إن التصميم “يخدمك” .
توضّح لك كل قطعة، كل لون، كل خامة ويعطيك تصور واضح للمكان ويقلل الخساير .