وش المخططات اللي تحتاجها قبل ما تبدأ تصميم بيتك؟
قبل تبدأ تجهيز بيتك — حتى لو تجديد وتشطيب — فيه مخططات أساسية لازم تكون عندك . هذي المخططات تختصر عليك وقت وتمنع أخطاء ما تبين إلا بعد السكن . كثير ناس يندمون إنهم ما بدَوا فيها من البداية … ومع ذلك هي من أبسط وأهم الخطوات.
هنا كل المخططات اللي تحتاجها قبل تبدأ أي خطوة:
١) مخطط توزيع الأثاث (Furniture Plan)
هذا المخطط هو أساس كل شيء . يحدد لك وين بيكون الكنب، السرير، الطاولات، وحتى مساحات الحركة .
ليه مهم؟
لأنه يضبط لك حجم الأثاث المناسب، ومسارات الحركة ويمنع إنك تشتري شيء كبير أو صغير على الغرفة. ومنه تنطلق باقي المخططات.
٢) مخطط الكهرباء (Power Plan)
ما فيه شيء يضايق مثل فيش بعيد عن مكانه … أو مرتفع … أو جاي غلط .
مخطط الكهرباء يوضح:
• أماكن الأفياش وارتفاعها
• مداخل التلفزيون والإنترنت
• مفاتيح الإضاءة
• نقاط التكييف والأجهزة
بدون هالمخطط يصير في تضارب وقت التنفيذ وتضطر تكسر وتعيد.
٣) مخطط الإضاءة (Lighting Plan)
الإضاءة هي اللي تغيّر إحساس المكان: وسع، دفء، فخامة… كل هذا يجي من توزيع صحيح.
هذا المخطط يوضح:
• أماكن السبوت لايت
• الإضاءة المخفية
• وحدات الإضاءة الجانبية
• شدة الإضاءة المناسبة لكل غرفة
وجوده قبل التشطيب يمنع الأخطاء اللي تصير بعد السقف المستعار .
٤) مخطط الأسقف (Ceiling Plan)
خصوصًا إذا بتسوّي جبسيات أو خطوط ديكورية.
يعطيك تصور كامل لشكل السقف، أماكن الفتحات ، مستوى الارتفاعات، ومسار الإضاءات.
٥) مخطط الأرضيات (Flooring Plan)
هذا المخطط يوضح:
• اتجاه الباركيه
• تقسيم الرخام
• توزيع الأرضيات المختلفة بين الغرف
• أماكن السجاد لو كان داخل التصميم
أهميته إنه يضمن أن القطع تكون موزونة وما يصير عندك بشكل مزعج .
٦) مخططات الواجهات الداخلية (Interior Elevations)
هذي المخططات مهمة إذا التصميم بدون تشطيب لأنك تحتاج تشوف كل جدار بالتفصيل.
يبين لك شكل الجدران:
• البانوهات
• التكسيات
• الدهانات و ورق الجدران
• أماكن الأرفف والخزائن
• تصاميم التلفزيون والسرير والمغاسل
هذي الواجهات تخلّي التنفيذ واضح، بدون تخمين أو ارتجال .
باختصار:
لو عندك هالمخططات… التنفيذ يصير سلس، واضح، بدون مفاجآت، وبدون صرف زايد.
وإذا ودّك نرتّب لك تصميم كامل + كل المخططات … تواصل معنا