أخطاء شائعة في تصميم بيتك وكيف تتجنبها
تصميم البيت مو بس اختيار أثاث … الموضوع أكبر من كذا بكثير . فيه أخطاء ناس كثير يقعون فيها وتسبب لهم مشاكل يومية.
هنا جمعت لك أهم الأخطاء اللي نشوفها دائم، ومع كل خطأ عطيتك طريقة تتجنبه بكل بساطة .
١) توزيع الأثاث بدون ما تنحسب المساحات
أكبر غلط إنك تختار أثاث قبل ما تعرف مقاسات غرفك .
النتيجة؟ غرفة مزحومة أو قطع كبيرة ما تدخل أصلاً.
الحل: قبل تشتري أي قطعة، لازم مخطط + مقاسات دقيقة.
٢) تجاهل الإضاءة
الإضاءة مو مجرد لمبة… هي اللي تحسس المكان دافئ أو بارد أو ضيق أو واسع.
الحل: استخدم طبقات إضاءة:
• إضاءة عامة للسقف
• إضاءة جانبية
• إضاءة مخفية
٣) خلط ألوان كثيرة بدون انسجام
مو كل لون يعجبنا يناسب البيت. بعض الألوان ما تتناسب مع بعض وتخلي المكان مزعج .
الحل: خلك على لوحة ألوان واضحة ومحددة + جرّب عينات قبل التنفيذ.
٤) كثرة الإكسسوارات
حماس البدايات يخلي البعض يشتري و يحط قطَع كثيرة … بعد فترة تحس المكان مزعج وزحمة .
الحل: اختار اكسسورات بسيطه ، مرتبه ، ولها معنى.
٥) مخططات ضعيفة أو بدون استشارة
كثير يدخل مرحلة التنفيذ وهو ما يعرف احتياجاته.
الحل: لا تبدأ تصميم بيتك بدون مخططات كهرباء + إضاءة + أثاث + سباكة.
في النهاية… تصميم بيتك مو لازم يكون رحلة معقّدة أو مليانة أخطاء. بخطوات بسيطة ومعرفة واضحة بالأساسيات، تقدر تبني مساحة مريحة ، وتعيش فيها براحة سنوات طويلة .
ولو ودّك ترتاح من التفكير والتجربة والخطأ…
نقدر نساعدك نصمّم لك بيتك و يناسب ذوقك واحتياجاتك — من أول مرة وبدون ضياع وقت ولا فلوس .
جاهز تبدأ ؟ تواصل معنا وخلّنا نهتم بكل التفاصيل.